Impressum  |  Datenschutz  |  Kuntakt
A- A A+

Wat to drinken

  • Bohntjesopp
  • Wulkje
  • Kluntje
  • Oostfreeske Rumkluntje

Oostfresentee

Man bruukt:

  • Oostfreeske Teemischung
  • witt Kluntjes
  • sööt Rohm


För elke Tass rekent man 1 Teelepel oosfreeske Tee un noch een Lepel extra för de Treckpott. An besten nimmt man för dat Teemaken blot en Treckpott ut Porzellan, de good mit heet Water utspöölt word. De Treckpott up en Stöövke stellen un de Tee infüllen. So vööl kokend Water upgeten, dat de Tee nett good bedeckt is. Denn 5 Minüten trecken laten. Daarna de Treckpott mit kokend Water vullgeten.
In elke Teetass en Kluntje doon. Denn de Tee daar over geten, so dat de Kluntje gnistert. Daarup word mit en Rohmlepel dat Wulkje ut Rohm leggt. De Tee sünner umröhren drinken. Is de Tass löss, word neei Tee inschunken. De dicke Kluntje langt meest för dree Tassen.

Quell: Annelene von der Haar, Das Kochbuch aus Ostfriesland, Verlag W. Hölker GmbH, 24. Auflage 2009.

Grog

Man bruukt för elke Grogglass:

  • 2 cl Rum
  • 3 Würfelzucker
  • 1 Tass kokend Water


En Grogglass heet utspölen, Würfelzucker un Rum d’rin doon un mit kokend Water upgeten.

Quell: Annelene von der Haar, Das Kochbuch aus Ostfriesland, Verlag W. Hölker GmbH, 24. Auflage 2009.

Rumpott

Man bruukt:

  • 500 g Früchten
  • 500 g Zucker
  • 2/3 l Branntwien
  • 1/3 l Rum 55%


An Früchten nimmt man för de Rumpott Eerdjebejen, suur Karsen, oftrucken un in Stücken sneden Pfirsichen, oftrucken un in Stücken sneden Aprikosen, schillt Peren in Schieven, Plumen, ohn Steen un vördelt. De Früchten smaals heel genau utsöken, wasken un in en Kumm inzuckern (een Laag Früchten, een Laag Zucker). Na sowat een Stünn in de Rumpott doon un so vööl Rum upgeten, dat de fingerbreed over de Früchten steiht. Nu de Rumpott mit Pergament of Cellophanpapier dicht maken. So maakt man dat mit elke Fruchtsoort, de infüllt word. Na de leste Früchten mit en sülvern Lepel umröhren. So lööst sük de Zucker beter, de sük an de Baam ofsett hett, un de Früchten worden good misket.
Denn word d’r noch ½ l Rum upgoten un de Rumpott mutt noch 4 Week stahn.

Quell: Annelene von der Haar, Das Kochbuch aus Ostfriesland, Verlag W. Hölker GmbH, 24. Auflage 2009.


Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5934