Impressum  |  Datenschutz  |  Kuntakt
A- A A+
In Oostfreesland gifft dat in d‘ Loop van dat Jahr immer weer Dagen, de mit en besünner Bruukdoom fiert worden.

Oostfreeske Moden in de Jahrsloop

  • Gallimarkt in Leer
  • Martini
  • Nötenscheeten in Westoverledingen zu Ostern
  • Paaskefüür

Van d‘ Olljahrsdag na Neeijahr


Proost Neeijahr mit Speckendicken: En Speckedickeneten na d‘ oll Wennst is en kommodig Vergnögen för de heel Familie. An de Silvesterdag word en besünner Aard kremmig Pannkook tosamen backt un eten.


Dat Rezept


Neeijahrlopen: An de Neeijahrsdag gahn de Oostfresen na dat Middageten van Huus to Huus um Frünnen un de Nabers Proost Neeijahr to seggen. To Neeijahrskoken un Bohntjesopp seggen se denn neet nee.

Neeijahrskoken: In de Tied tüsken Wiehnachten un Neeijahr worden in en Bült oostfreeske Huushollens Neeijahrskoken backen un mit Bliedskupp upeten.

Dat Rezept


Oostern


Haast dat mooiste Fest in dat Jahr ist för de Oostfresen Oostern. Dat Bruukdoom to Oostern maakt de Oostfresen en Bült Freid. Dat plattdüütsk Woord „Paasken“ is van dat jöödske Passah-Fest ofleidt.


Paaskefüür an Saterdag: Al lang vör Oostern sammeln de Oostfresen Busken, Tacken un wat sonst noch so brannt binanner. Daar word denn up en frjen Stee en groten Hopen van maakt un – wenn dat an Saterdagavend düüster word – in Brand stoken. Daarmit word de Winter verdreven un dat Vörjahr begrött.


Hicken-Bicken-Sönndag: De Kinner in Oostfreesland söken an Oostersönndagmörgen in de Tunen na farvt un verstoken Oostereier. Bi dat Hicken-Bicken worden de Eier denn mit de Spitzen tegennanner anstött. Wunnen hett de, de sein Ei heel bleven is.


Eiertrüllen: De funnen (hartkookt) Eier worden van de Kinner un de Groten van Dieken, Dünen of „Bargen“ rullt. Wunnen hett, de sien Ei an wiedsten trüllt is.


Eiersmieten: Kinner smieten up Gröönland of an d‘ Diek kookt Eier so wied as dat geiht. Wunnen hett de, de sien Ei an wiedsten flüggt.


Nötenscheten: En Spill, de an de eerst Oosterdag spöölt word. Daarbi word mit Kugels na Walnöten in en Kreis up de Grund smeten. Daarbi sall de Nööt van en Mitspöler ut de Kreis smeten worden.

De fievde Jahrstied in Leer


De Gallimarkt in Oktobermaant
Ok de Gallimarkt in Leer höört to de groterde Festen in Oostfreesland. He is elke Jahr an de tweede Middeweek in Oktober un ennt up de folgend Sönndag. 1508 wurr Leer dat Marktrecht van Graaf Edzard de Grote toproot. He hett de Termin för disse Veehmarkt up de 16. Oktober fastleggt, de Doodsdag van de hillige Gallus, en Missionar ut Irland. Eerst tegen Enn van dat 19. Jahrhunnert is daar en Volksfest ut worden, ma de Veehmarkt is immer noch Deel van dat Fest.


Sünnermarten of Martini


In Oostfreesland is de 10. November, de Geburtsdag van de Reformator Martin Luther, de Termin för dat Martintibruukdoom. Vör all in de Landkreis Auerk verkleden un maskeren sük de Kinner an Martini un trecken wenn dat düüster word singen mit en Papeerlateern van Huus to Huus. Daarför willen se denn mögelsk vööl Snoordereen insammeln. Van wegen dat Verkelden word de Dag denn ok 2freeske Karneval“ nöömt.

Quell: Ostfriesische Landschaft, Ostfrieslands Bräuche, Traditionen und Besonderheiten, Moden un Maneren


Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5945