A- A A+
Vööl Spaaß bi dat Lesen van de sülvstschreven Gedichten van de Plattsnackers!

Riemsels

Mööw

Möwen (Horst Rehmann)

De Möwen daar up de Muur,
sitten so still up de Luur,
tövt stur up´n Happen,
um hüm glieks to snappen.

Over kummt een Schipp maal rin,
fangt se al an to schrien,
flattert op un daal un wied,
vör een rechte Fischmahltied.

Of un to gifft mal´n Knies,
daar sünd de Möwen Fudderniedsch,
eerst wenn in d` Nettwark nix mehr is,
fleegt se torügg an de Küst.

Daar sitt se denn as of nix weer,
för de Besöker un för´d Meer.
Möwen sünd  een Henkieker,
gewiss nich bloot  för de  Besöker.

Webbstee: www.de-plattsnackers.de

 

De Rieder (Johann Schoon)

 

Tweedunker. Dor kummt en Rieder an

So swart dat Peerd, so wart de Mann,

de rieder, de gifft gien Gelut,

he kickt so stief un stor liekut,

 

De Peerhauf kloppt so dump de Eer,

as wenn he deep darunner wär,

So dakerg-doodsch, so frömd un kolt,

as tickert de dood in't möre Holt.

 

So liekenbleek een eensam Steern,

En Hund huult wied verlorn ind' Feern.

 

In Daak verswunnen Peerd un Mann

De Krieg ind' Osten, de fung an.

 

Quell:Arbeitskreis "Die Leuchtboje", Leer/Ostfriesl. in Zusammenarbeit mit der ostfriesischen Landschaft, Uns' Moder Spraak in Dichters Woord, Heft 6, 4. Auflage, S. 17.

 

Harvst (Joh. Fr. Dirks)

 

Vörbi sünd bold de moie Dagen,

Wenn de Sömmer geiht;

In feld un Holt fang't an tau klagen,

Wenn de Harvstwind weiht.

 

De Vögels sülst gahn up de Reise,

Wenn't all verbleiht,

Un over't Land löppt mi de Seise

De Dood un meiht.

 

Quell:Arbeitskreis "Die Leuchtboje", Leer/Ostfriesl. in Zusammenarbeit mit der ostfriesischen Landschaft, Uns' Moder Spraak in Dichters Woord, Heft 6, 4. Auflage, S. 17.

 

De Dag an d` Meer (Horst Rehmann)


De Dag an d` Meer, so wunnerbaar,
versunken in Still dat Land.
Himmel so hoog un sünnenklaar,
hell de Dünen, endloos de Strand.

De Dag an d` Meer, Möwengeschrie,
de Bülgen blänkern as Steern,
witte Wulken trecken vörbi,
turen herut in de Feern.

De Dag an d` Meer, solten de Wind,
dat prickelt frisch un nieg,
leevtallig, sacht, liek en Tittkind,
un jachtert krall un frie.

Webbstee: www.de-plattsnackers.de

 

Een schöner Dag (C. Fr. Bautsch)

Een schöner Dag weer dat nu hüt,
wu dat nich ümmer is,
hett Freude brocht vör alle Lüüd,
hett uns den Weg doch wiest.   

Mit Leedern de so herrlich klingt,
so  keem de Morgen sacht,
de Sünn, de uns dat Licht ja bringt,
hett schluckt de düst’re Nacht.                

Een schöner Dag vull Harmonie
is wie een Sünnenschien,
he strahlt di an un roppt to di,
hüt schasst du glücklich sien.

Lat wesen wat daar ok noch kummt,
wat ümmer kommen mag,
dat blifft doch de Erinnerung
an eenen schönen Dag.                

Webbstee: www.de-plattsnackers.de

 

Moi Koh (Carl Voget)

Mien is disse Wies,
seggt to`n Spazeerloper een Koh.
De Buur nömt mi Lies,
lett mi melken un bün nett daarto.

Wenn ik wat Slimms do,
seggt man mi: Büst noch gesund?
Denn segg ik: Geev man Roh
un trüll mi up Grund.

Webbstee: www.de-plattsnackers.de

 

Up de Hallig (Horst Rehmann)

Up `n Hallig nömend Hallig Hoog
wohnt Familie Hallig ok.
Up disse Hallig gifft keen Smog,
de Hallig is as `n Trockendock.
Daar gifft dat ok keen Halligalli,
daar danzt van Hallig Hoog de Kalli.

Un anstatt van freche Hooligans
gifft daar bloot schmerig Hallig-Gäns.

Rund um de Hallig fegt dat Water,
dat Hallig-Huus word immer natter.

Land unner! Hallig liggt in Nood,
daar lacht Familie Hallig ok –
un sticht ruhig in`t lüttje Boot.

Webbstee: www.de-plattsnackers.de

 

 

 

Mehr mooi Riemsels finnen Ji hier bi de Plattsnackers:

 

Webbstee: www.de-plattsnackers.de

 

 

 

 


Riemsels

Kuntakt

Ostfriesland Tourismus GmbH
Ledastraße 10
26789 Leer
04 91 / 91 96 96 60
urlaub‎@‎ostfriesland.de

Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5964