A- A A+

Wat Sööts för Leckerbecken

  • Rullkes – Neeijahrskoken
  • Oostfreeske Knüppeltort
  • Oostfreeske Teecreme
  • Koken

Oostfreeske Knüppeltort

 

Man bruukt för de Pannkookjes:

  • 8 Eier
  • ¼ l suur Rohm
  • 100 g Zucker
  • 150 g Mehl
  • Botter of Magarien to Backen


Man bruukt för de Füllung:

  • 300 g Zucker
  • 125 g Orangeat of Zitronat
  • Saft van 2 Zitronen
  • 250 g mahlen Mandels
  • dat Binnerste van een Vanilljeschote
  • 2 cl Rum


Un för boven d’rup:

  • 3 - 4 EL Aprikosenmarmelaad
  • 1 EL Rum
  • 30 g röst Mandelbladen
  • 1/8 l Rohm


För de Pannkookdeeg Eigeel un Rohm verröhren, na un na Zucker un Mehl d’rbidoon. Dat mutt en gladden lobbergen Deeg worden. In en Pann Botter smelten un lüttje Pannkookjes mit en Dörmeter van ruugweg 8 cm bruun backen.
För de Füllung Orangeat of Zitronat fien würfeln. In en Pott Zucker un Zitronensaft heet maken un so lang röhren, bit sük de Zucker uplööst hett. Denn de Pott van de Ovend nehmen un Orangeat of Zitronat, Mandels, Vanilljemark un Rum unnerröhren. En Tortenring up en Kokenplaat stellen un een Schicht Pannkookjes so up de Baam leggen, dat daar nix freei blifft. Denn daar en bietje Füllung up verdelen. Nu immer ofwesselnd Pannkookjes un Füllung schichten, tolest mutt en Schicht Pannkookjes komen. De Knüppeltort ofdecken un over Nacht in d‘ Köhlschapp stellen.

För Bovenup in en Pott Aprikosenmarmelaad un Rum heet maken. De Tortenring ofnehmen un daar de Tort van boven un rundherum mit inpinseln. De Tortenrand mit Mandelbladen bestreien un boven Rohmpuffjes upsprützen.

Oostfresentort

Man bruukt för de Belag:

  • 2 bit 3 Tassen Sinbohntjes (Branntwienrosinen)
  • 600 ml Rohm
  • 3 Pakeetjes Sahnesteif
  • 6 EL Natt van de Sinbohntjesopp


Man bruukt för de Deeg:

  • 6 Eier
  • 200 g Zucker
  • 1 Pakeetje Bourbon Vanilljezucker
  • 6 EL Zucker
  • 125 g Weitenmehl
  • 125 g Tuffelmehl
  • ½ Pakeetje Backpulver
  • 1 Prise Solt
  • 4 EL Natt van de Sinbohntjesopp


De Eier trennen. Eigeel mit Zucker un Vanilljezucker schumig slaan, heet Water togeven. Mehl un Tuffelmehl mit Backpulver un Solt misken, up de Kreem sieben un unnerröhren. Eiwitt stiev slaan un unnerheven. 4 EL Natt van de Sinbohntjesopp daartogeven. De Baam van en Springform mit Papier utleggen (de Rand neet infetten, anners kleevt de Deeg fast un de Biskuit fallt in), Deeg infüllen un bi 170 Graad 30 Minüten backen. De Biskuit ofköhlen laten un denn in dree Baams updelen.

Rohm un Sahnesteif slaan un 6 EL Natt van de Sinbohntjesopp unnerröhren. De unnerst Baam mit en Dardel van de Rohm bestrieken un mit Branntwienrosinen beleggen. De tweede Baam upleggen un nettso klaarmaken. De darde Plaat upleggen un de Tort van all Sieden mit Rohm bestrieken un verzieren.

Quell: Hanne Klöver: Ostfriesland kocht. Verlag Soltau Kurier-Norden, 2004, S. 11.

Rullkes – Neeijahrskoken

 

Man bruukt:

  • 300 g Zucker of Kluntjes
  • ½ l ofkookt Water
  • 250 g smulten Botter
  • 500 g Weitenmehl
  • 7,5 g mahlen Kardamom
  • 15 g mahlen Anis
  • evt. ok 1 EL Anissaat, ungemahlen
  • 3 Eier


Zucker in heet Water uplösen un ofköhlen laten. Botter smelten un ofköhlen laten, denn schumig slaan un na un na Eier, Gewürzen, uplööst Zucker un Mehl togeven. De Deeg sall licht van d‘ Lepel glieden. Een Nacht stahn laten, daarna proberen, of de Deeg noch flüssig genoog is. Wenn neet, en bietje Water togeven. Deeg mit en Neeijahrskokeniesder dünn utbacken un daarna smaals sotomaal to en spitzen Tüüt rullen. Neeijahrskoken mutten in en blicken Döös verwahrt worden, umdat se denn mooi kross blieven.

Quell: Hanne Klöver: Ostfriesland kocht. Verlag Soltau Kurier-Norden, 2004.


   



Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5935