A- A A+

Hauptgerichten

  • Labskaus
  • Speckendicken
  • Speckendicken
  • Grünkohl

Speckendicken

Man bruukt:

  • 125 Smolt
  • sowat ½ l Melk
  • 125 g Sirup
  • 100 g Zucker
  • 500 g Roggenmehl
  • 250 g groff Weitenmehl
  • ½ Pakeetje Backpulver
  • 1 Pakeetje Kardamom
  • 1 Pakeetje mahlen Anis
  • 3 Eier
  • dröögt Mettwurst un Speck in Striepen


De Melk warm maken un daar de Sirup, de Zucker un dat Smolt in uplösen. Dat Mehl mit Backpulver, Anis un Kardamon misken. De Eier verslaan un mit de Melk un dat Mehl verröhren. Wichtig: De Deeg mutt lobberg wesen un over Nacht in d’ Köhlschapp treken, denn kummt daar eerst so richtig Smaak an.
An de token Dag kummt dat d’rup an, dat de Deeg neet to dünn un neet to dick is. De Speckendicken könen in en Waffeliesder of in d’ Pann utbraden worden. Daarto een Eetlepel Deeg in de Pann of dat Waffeliesder doon, Mettwurstschieven un Speck upleggen un backen. Worden de Speckendicken in d‘ Pann braden, mutten de tüskendör eenmaal umdreiht worden.

Quell: Hanne Klöver: Ostfriesland kocht. Verlag Soltau Kurier-Norden, 2004.


Labskaus

Dat bruukt man:

  • 1 kg Pökelrindfleesk
  • 2 Lorbeerbladen
  • 8 Pepperkörrels
  • 4 Ziepels
  • 100 g Botter
  • 1 ¼ kg Tuffels
  • 400 g inleggt Rote Bete
  • 200 g suur Gurken
  • 4 Matjes
  • Solt un Pepper


Wenn dat Pökelfleesk sülvst inleggt is, mutt dat vör dat Koken een Dag watert worden, dat dat neet to solt is. Dat is bi Fleesk van d’ Slachter meest neet nödig.
Dat Fleesk tosamen mit de Gewürzen sowat twee Stünnen bi minn Hitz gaartrecken laten. De Ziepels fien hacken un in en Kookpott in Botter andünsten. Matjes, Rote Bete un Gurken in Stückjes snieden, mitnanner vermengseln un togeven. De kookt Tuffels un dat heel fien sneden Fleesk d’rto doon, good dörstampen un noch ‘nmaal warm maken. Good röhren, dat dat neet anbrannt! Wenn de Labskaus noch wat to stevig is, en bietje Pökelbrühe unnerröhren. Mit Solt un Pepper ofsmecken un daarto Gurken un Spegeleier eten.

Quell: Hanne Klöver: Ostfriesland kocht. Verlag Soltau Kurier-Norden, 2004.

Gröönkohl


Man bruukt:

  • 1 kg Gröönkohl
  • 3 EL Hafergört
  • 100 g Swienfett
  • 1 TL Zucker
  • 1 EL Mustert (middelscharp)
  • 3 groot Ziepels
  • sowat ½ l Water
  • 5oo g dörwussen rökert Speck
  • 4 lüttje Pinkels
  • Solt un Pepper


De Kohl ofstriepen un en paarmaal good wasken. 5 Minüten koken. Denn good utdrücken un heel fien snieden. Fett in en Pott heet maken un de würfelt Ziepels andünsten. Denn de Kohl mitdünsten. Speck, Mustert, Hafergört un Zucker togeven un Water upgeten. All tosamen sowat 1 ½ bit 2 Stünnen koken laten. Wenn de Kohl infroren weer, geiht dat wat feller. In de lest halv Stünn de Pinkels mitkoken. Mit Solt un Pepper ofsmecken. Daarto worden Solt- of Braadtuffels un inleggt Kürbis eten.

Quell: Hanne Klöver: Ostfriesland kocht. Verlag Soltau Kurier-Norden, 2004.


Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5938