A- A A+
De Natuur van Oostfreesland is eenmalig un vöölklörig. Duukt hier heel deep in de oostfreeske natuurbelaten Landskupp in.

Oostfreeske Natuur

  • Windlooper
  • Oostfreeske Natuur
  • Wald in Uplengen-Hollesand
  • Dünenlandskupp

UNESCO-Weltnaturerbe Watt


In Junimaant 2009 wurr de Waddensee to en UNESCO-Weltnatuurarvgood. De Waddensee hett en Bült verscheden Levensrüümten un is somit en Tohuus för ruugweg 10.000 verscheden Deren un Planten. Butendeem wiest see, wo sük Planten un Deren an de stadig wesselnde Landskupp un de Tiden anpassen könen. De Waddensee is en heel jung Landskupp mit Hellers un Dünen, Watt un Sandplaten, de dör Wind un Tide immer neei förmt word.


Webbstee: www.wattenmeer-weltnaturerbe.de

 

Wald, Meedland un Moor


In Oostfreesland gifft dat ehrder minner Wald. To de groterde Waldflächen hören de Heseler Wald, de Ihlower Forst, de Karl- Georgs-Forst (Freeborg), de Egelser Wald un de Meerhuser Wald (Auerk). In de Freeske Wehde liggt de Neeibörger Urwald, in de siet dat 17. Jahrhunnert haast kenn Minsk mehr arbeidt hett un de sük daarum freei entwickelt hett.
Um Felden to begrenzen gifft dat in Oostfreesland Wallhegen. Dat sünd leeg Erdwallen mit Struken, Hegen of Boomriegen daarup. Mit en Längde van sowat 6.000 Kilometers hett Oostfreesland de meeste Wallhegen in Nedersassen. Se stahn siet 1935 unner Natuurschutz.

In Oostfreesland gifft dat en heel Bült Meed- un Weidland. Veehtucht hett hier en lang Tradition. De wied Gröönlannen worden al immer as Weidland bruukt.
Dat Moor in Oostfreesland fung mit dat Enn van de Iestieden an to wassen. Vööl Ortsnamen erinnern ok vandaag noch an disse groot Natuurrüümte: Neermoor, Wiesmoor, Moordörp usw. In dat 17. Jahrhunnert fungen de Minsken an, dat Moor dröög to leggen un oftograven. Um dat Moor to besiedeln, wurren overall in Oostfreesland Fehndörpen gründt. En Bült van de Kanalen to Ofwatern un för de Transpoort gifft dat vandaag noch.

Parklandschaften und Gärten


Ok Parks un Tunen hören to dat Bild van Oostfreesland. Gewaltig Rhododendronbusken in de Parklandskupp van dat Ammerland, romatiske Slössparks un vull Leevde anleggt Burentunen sünd hier to finnen. Baldadig mooi Utblicken up de oostfreeske Landskupp beden de fiev Landskuppsfensters (Toorn van en Maler, Toorn van en Dichter, Toorn van en Drömer, Toorn van en Rhodo-Königin un Toorn van en Diekrichter) in dat Ammerland.

 

Tip: www.park-der-gaerten.de 

 

In de "Park der Gärten" gifft dat Planten de up Plattdüütsk beschrieven sind!

 

Dere


De Waddensee mit sien Eilannen nett as ok de Geest un de Marsk van dat oostfreeske Fastland sünd en Levensrüümte van en Bült verscheden Deren. Vööl verscheden Vögels sünd hier tohuus un de Wildgosen verbrengen hier de Winter. Ok Seederen as de Seehund, de Kegelrubb of de Swienswaal kann man faak in de Waddensee sehn. In Immenparks, up Mieghamel-Lehrpaden of bi Fielapper-Föhrens gifft dat en Bült to weten. Oostfreesland is ok Heimaat för vööl Fleddermusen. An meesten kriggt man de Groot Avendsegler un de Breedflögelfleddermuus to sehn. Besünners antosehn is de Landskupp van Oostfreesland natürelk dör de Veehderen as de Kohjen, de Schapen un de Peer.


Hier finnen Ji Planten- un Dere ut Oostfreesland, de sien Namen so egen und besünners sind, dat se neet in Vergetenheid geraden sölen!

 

Webbstee: www.de-plattsnackers.de/cms/Vogelstimmen-Ueberblick/

 

 

 

 

 


Plattdüütsk Hoogdüütsk
Lüüntje Spatz
Kort Jan Zaunkönig
Kateeker Eichhörnchen
Immen Bienen
Mossimmen, Plüschmors Hummeln
Dwarsloper Krebs
Winnewurp, Muulwarp Maulwurf
Boompicker Specht
Swienege Igel
Wippsteert Bachstelze
Katt Katze
Fladdermuus Fledermaus
Tüüt Regenpfeifer
Swaalk Schwalbe
Rootböstken Rothkehlchen
Huntjewuddel, Hunnenblööm Löwenzahn
Mummel Kosewort für Wasserrose
Bölkwuddel Winterrettich
Bullerjan Baldrian
Dickkopp Kamille
Hollpiep Ackerschachtelhalm
Jantjemöe Nachtkerze
Lampenputzer Rohrkolben

Typisk Oostfreesland!

Urlaub un Ferien in Oostfreesland - daarto laden viele Angeboden to in. Bekieken Ji dat wunnerbaar Oostfreesland un sien mojen Oorten van dat Binnenland bi an de Waterkant!

wieder

Der Reiseexpertenblog

In de neei Oostfreesland-Blog gifft dat seß Berieken mit Berichten un Utflugtips in Oostfreesland. Sofort maal inkieken!

wieder

Kiek maal in!

Flash ist Pflicht!

Dieken un Strand, Fietzen un Lopen, Tee mit dat Wullkje, Wind un Wellen - Oostfreesland dat is so vööl mehr. Latt Jo van disse mooi Kuntrei betöven un geneet Oostfreesland mit all sien Besünnerheiden. 

TESTPAGE:5940